افندينا مشرف العام
عدد المساهمات : 254 تاريخ الميلاد : 27/07/1979 تاريخ التسجيل : 12/08/2010 العمر : 44
| موضوع: أتحدي اى حد مسمعلوش جملة من دول الأحد 19 ديسمبر 2010 - 2:35 | |
| يتميز الأب المصري و تتميز الأم المصرية بأقوال فريدة من نوعها ,,, يعني مينفعش حد يقولها غيرهم وطبعا الأقوال دي موجهة لحضرتك ,,, فبمنتهى الهدوء و من غير كسوف إختار الجمل اللي سمعتها بنفسك من والدك أو والدتك نبتدي على بركة الله ,,,
جتها نيلة الى عايزة خلف تيجى تتفرج
امشى جاتك مشش فى ركبك
ذاكر ياموكوس مش فالح غير فى الهيافه والكلام الفاضى
هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه
كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة
هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج)
أوعا حد يضحك عليك ويقولك جرب السيجارة دي
ابقى ورينى مين حينفعك فى الاخر من شوية الصيع الى انت مشيلى وراهم
قوم اقرا لك كلمتين ينفعوك
ياريتك تحفظ دروسك زى مانت حافظ الاغانى
لو شفت خناقه ما لكش دعوة بيها
كريم دا عيل بايظ وماتمشيش معاه تاني "معلش يا كريم"
قومي ساعدي امك ده اللي هيتجوزك أمه داعية عليه
يا ابني حرام عليك الى بتعمله فينا ده
انا سايبالكوا البيت وماشية ومش حتشوفوا وشي تاني
لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا
وانت فاكر احنا مستنيين منك حاجه
المسلسل مش هينفعك ...قوم
كفايه رغي في التليفونات
كل على مهلك .. وامضغ كويس ... وما تكلش وانت واقف .. وكل من قدامك ما تحفش
بلاش تمشى حافى البس شبشب وانته داخل الحمام
ما فيش مذاكرة على المزيكا .. وازاى بتذاكر و البتاع ده شغال جنبك
افرد ظهرك
لم شراباتك
ماتكلش فى ضوفرك
كنت فين لحد دلوقتى يا صايع
انا مش عارف انته طالع لمين
مووو لمـا يــــــخدك
ده منظر اودة بني آدم ، انت عايش فيها ازاي؟
هو انا الخدامه الى ابوكم جبهلكم .
الى يطلع من الاوضه يطفى النور وراه
أبوك عندك أهو اتصرف معاه
لو مش فاهم حاجه ارفع ايدك و قول للأستاذ مش فاهم .. متتكسفش
البس فنله قطن تحت ودفي سدرك ودخل التيشرت في بنطلون البيجامه وانته نايم
يأبنى المذاكره مابتخلصش .... نفسى اشوفك مره ماسك كتاب
قالب ليلك نهارك طول الليل صاحى وطول النهار نايم طبعاً ما حضرتش ولا محاضرة ولا سكشن , وطول اليوم صايع بره البيت
مالكش دعوة بالسياسة .. وماتمشيش في مظاهرات .و امشي جنب الحيط ... اقولك شق الحيطة وامشي جواها
احمد ربنا الاكل الى مش عجبك ده فى ناس مش لقينه
هأقطم رقبتك أو هأقطع ايدك أو هأقطع لك لسانك أو هأدبحك دبح
قومي سخني الأكل لأخوكي
ابوكم كان دايم بيطلع الاول على الفصل... لما كلهم كده امال مين الى بيطلع الاخير
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها مايركنهاش في الحوض | |
|
wa3d المشرفة العامه
عدد المساهمات : 460 تاريخ الميلاد : 21/03/1980 تاريخ التسجيل : 16/08/2010 العمر : 44 الموقع : https://3asfora.yoo7.com العمل : محامية
| موضوع: رد: أتحدي اى حد مسمعلوش جملة من دول الأحد 19 ديسمبر 2010 - 22:33 | |
| اهااااااااااااا فعلا احنا بنسمع الكلام ده انا كنت اسمع قومى اقرائى لك كلمتين ينفعوكى علشان انا مكنتش احب المذكرة نهائى ههههههههههههههههه تسلم الايادى تقبل مروووووووووووووووووورى | |
|